Skilpadjies (Lewer in netvet)

 

Lewer in Netvet (Skilpadjies)

Netvet                                                                          Skaaplewer

1 ui                                                                               1 sny brood

Kruinaeltjies                                                                 neutmuskaat

Sout en peper

Laat lê die netvet in sterk warm water voor jy die lewer daarin sit, anders kraak dit. Vir elke 1 skaaplewer benodig mens omtrent 1½ netvet as jy dit in klein porsies gaan oprol om oor die kole te braai.

Maal die lewer met die ui, 'n sny brood, speserye, sout en peper.

Sny die netvet in 6 cm stukkies. Skep dessertlepelsvol van die gegeurde lewer daarop.

Vou die netvet toe om die lewer. Meeste van die vet braai weg en net die lekkerte bly oor.

Braai oor 'n stadige vuur of in 'n swaarboompot.

 

 

 

Lewer in Netvet (Skilpadjies) - Resep 2

500g lewer

1 kg netvet

Sout en peper

METODE:

Sny die lewer in stukkies.

Sny dun gedeelte van netvet in stukkies.  (Net groot genoeg om die lewerstukkies toe te draai.)   Gooi sout en peper na smaak op die lewerstukkies en draai elkeen in 'n stukkie netvet toe.

Steek die vet met 'n tandestokkie vas.

Heerlik as jy dit oor die kole braai, maar kan ook in 'n pan gebraai word of in die oond.